Reshjet shkaktojnë problematika në rrugë, ARRSH bën thirrje për kujdes

Reshjet e shiut me intensitet mesatar të regjistruara gjatë natës dhe në orët e para të mëngjesit kanë shkaktuar rënie gurësh dhe inertesh në disa segmente rrugore.

Sipas Autoritetit Rrugor Shqiptar, problematikat e evidentuara janë trajtuar menjëherë nga ekipet e mirëmbajtjes, ndërsa qarkullimi vijon normalisht në të gjitha akset nacionale. Grupet e punës janë në terren për pastrimin e rrugëve, largimin e gurëve dhe inerteve, si dhe pastrimin e bimësisë dhe kunetave, me qëllim garantimin e kushteve të sigurta të lëvizjes.

ARRSH u bën thirrje drejtuesve të mjeteve të tregojnë kujdes të shtuar gjatë udhëtimit, veçanërisht në segmentet ku reshjet mund të ndikojnë në kushtet e qarkullimit.